Business
ഇന്ധനക്ഷമതയും നിരവധി ഫീച്ചറുകളുമുള്ള വില കുറഞ്ഞ ഒരു കാറാണോ നിങ്ങള്‍ ആഗ്രഹിക്കുന്നത്? എങ്കില്‍ ഒന്നും നോക്കണ്ട പുതിയ ടാറ്റ നാനോ 2024 അണിയറയില്‍ തയ്യാറായി കഴിഞ്ഞു. വിലയേറിയ വാഹനങ്ങളില്‍ കാണുന്നവയെ വെല്ലുന്ന ആധുനിക ഫീച്ചറുകളാണ് ഈ കുഞ്ഞന്‍ വണ്ടിയില്‍ ലഭ്യമാകുന്നത്.
സുഗമമായ ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, ആത്യന്തികമായ സുഖസൗകര്യങ്ങള്‍ക്കായി ഓട്ടോമാറ്റിക് ക്ലൈമറ്റ് കണ്‍ട്രോള്‍ എന്നിവയെല്ലാം ഈ വാഹനത്തിലുണ്ടെന്നാണ് പുറത്തു വരുന്ന റിപ്പോര്‍ട്ടുകള്‍. സുരക്ഷക്കും പ്രാധാന്യം നല്‍കി നാനോ 2024-ല്‍ ഒന്നിലധികം എയര്‍ബാഗുകളും റിയര്‍വ്യൂ ക്യാമറയുമുണ്ട്. കാര്യക്ഷമമായ എഞ്ചിനായതു കൊണ്ടുതന്നെ നാനോ 2024 മികച്ച യാത്രാനുഭവമാണ് നല്‍കുന്നത്. ലിറ്ററിന് 25-30 കിലോമീറ്റര്‍ മൈലേജ് കണക്കാക്കിയാല്‍ പമ്പില്‍ നിങ്ങള്‍ കുറച്ച് സമയവും റോഡില്‍ കൂടുതല്‍ സമയവും ചെലവഴിക്കാന്‍ സാധിക്കും.
നാനോ 2024-ന്റെ ലോഞ്ച് തീയതിയോ വിലയോ ടാറ്റ ഔദ്യോഗികമായി പ്രഖ്യാപിച്ചിട്ടില്ലെങ്കിലും, 2024 അവസാനത്തോടെ ഇത് ഷോറൂമുകളില്‍ എത്തിയേക്കുമെന്നാണ് പ്രതീക്ഷിക്കുന്നത്. പ്രാരംഭ വില ഏകദേശം 2.50 മുതല്‍ 3 ലക്ഷം വരെയാകുമെന്നാണ് റിപ്പോര്‍ട്ടുകളില്‍ നിന്ന് വ്യക്തമാകുന്നത്. ബജറ്റ് അവബോധമുള്ള ഉപഭോക്താക്കള്‍ക്കും താങ്ങാനാവുന്ന ഓപ്ഷനായിരിക്കുമിത്.*image for representation purpose only
Content Highlights: Tata Nano 2024 Is Going To Be Launched With 30KM Mileage